Яширсанг, иситмаси ошкор қилади

Давлат томонидан ижтимоий соҳани, хусусан соғлиқни сақлаш тизимини ривожлантириш учун ажратилаётган маблағлар замирида биргина олий мақсад ётади инсон қадри ва унинг саломатлиги. Бироқ, Олтиариқ тумани 1-сонли шифохонасидаги ҳолатни кузатар эканмиз, бу борадаги ишлар «тескари юриш» каби тамойили асосида кетаётгандек таассурот уйғотмоқда.

Саккиз ойлик сукут ва чанг босган миллионлар. Маълумотларга кўра, ушбу тиббиёт муассасасида давлат бюджети ҳисобидан катта маблағ эвазига сотиб олинган замонавий тиббий техникалар саккиз ойдан буён ишлатилмасдан, чанг босиб ётибди. Ваҳоланки, ушбу техник имкониятлар аҳолининг узоғини яқин қилиши, касалликларга эрта ташхис қўйиши лозим эди.

Тиббиётда «олтин соат» тушунчаси бор. Тўғри ташхис қўйишдаги ҳар бир сония инсон ҳаёти учун муҳим. Шифохона маъмурияти эса муаммоларни оммадан беркитишми бизга қоронғу? Бюджет маблағларининг яни апаратура самарасиз туришига, балки беморларнинг сифатли хизмат олиш ҳуқуқининг бузилишига ҳам сабабчи бўлмоқдами?