Онаси учун жиноятга қўл урган йигитнинг аччиқ қисмати.

Фарғона шаҳрида Жиноят кодексининг 169-моддаси билан судланаётган бир йигит тақдири суд залини ҳам ларзага солди. Айбланувчи сифатида ўтирган бу йигит аслида кундалик мардикорлик қилиб рўзғор тебратадиган, оғир турмуш гирбобига тушган оддий фарзанд екани ма'лум бўлди.

Жиноят ишлари бўйича Фарғона шаҳар судидаги жараёндан лавҳа

Тергов ҳужжатларида у ўғирлик қилган шахс сифатида қайд етилган бўлса-да, судда унинг ҳаётининг бошқа, оғриқли томонлари очилди. Оиладаги йетишмовчилик, муҳтожлик ва енг ачинарлиси хасталанган онасининг дори-дармони учун пул тополмагани уни жиноят йўлига бошлагани айтилди.

Кўп ҳолатларда бундай айблов билан судланувчиларга қаттиқ жазо тайинланади. Ҳар қандай судя ҳам айбланувчининг кўз ёши ёки оғир тақдирини инобатга олиб, уни озодликка чиқармайди. Чунки қонун олдида “жиноят” жиноят ҳисобланади.

Аммо бу сафар судя фақат жиноятга емас, инсон тақдирига ҳам назар ташлади. У йигитнинг қилмишини оқламади, лекин унинг ҳаётда адашган, аммо тузалиш имконияти бор инсон еканини ҳис қилди.

Судя жамият яна бир ёшни темир панжара ортига емас, тўғри йўлга қайтариши керак, деган қарорни танлади. Натижада йигит суд залининг ўзидан озодликка чиқарилди.

Балким бу қарор кимлар учундир оддий туюлар. Аммо муҳтожлик сабаб адашган бир фарзандга берилган иккинчи имконият ба'зан бутун бир ҳаётни сақлаб қолиши мумкин.