Фарғонада екологик барқарорликни та'минлаш Прокуратура ва соҳа мутасаддилари ҳамкорлиги сарҳисоб қилинди

Фарғона вилояти Экология, атроф-муҳитни муҳофаза қилиш ва иқлим ўзгариши бош бошқармасида ОАВ вакиллари, журналист ва блогерлар иштирокида матбуот анжумани бўлиб ўтди.

Ferganamedia.Uz Web sayt рахбари

Тадбирнинг асосий мавзуси 2026 йилнинг дастлабки беш ойи давомида вилоят прокуратураси билан ҳамкорликда амалга оширилган тизимли ишлар ва истиқболдаги режалар таҳлилига бағишланди.

Анжуманда таъкидланганидек, ҳисобот даврида ҳудудда экологик қонунчилик ижросини таъминлаш, табиатга етказилган зарарларни аниқлаш ва уларни бартараф этиш бўйича кўплаб рейд тадбирлари ўтказилган. Хусусан, прокуратура органлари билан йўлга қўйилган яқин ҳамкорлик натижасида ноқонуний дарахт кесилиши, ер ресурсларидан нотўғри фойдаланиш ва чиқиндиларни белгиланмаган жойларга ташлаш билан боғлиқ ҳуқуқбузарликларга нисбатан кескин чоралар кўрилган.Тадбирда вилоят прокуратураси бўлим бошлиғи Улуғбек Нишонов иштирок этиб, келгусидаги вазифаларга тўхталиб ўтди. Мутасаддининг қайд этишича, бундан буён ҳамкорлик фақатгина жазо чораларини қўллаш билан чекланиб қолмай, балки ҳуқуқбузарликларнинг олдини олиш профилактика ишларига ҳам алоҳида урғу берилади.

Мулоқот давомида журналистлар ва жамоатчилик фаоллари томонидан соҳани ривожлантиришга доир қатор таклиф ва ташаббуслар илгари сурилди. Ҳар бир фикр атрофлича ўрганилиб, амалий жиҳатдан қўллаб-қувватланиши таъкидланди.