БИР ЛАҲЗАЛИК КАЙФ БИР УМРЛИК ПУШАЙМОН!

Жорий йилнинг 7 май куни Кадастр агентлиги Марғилон шаҳар бўлими биносида спиртли ичимлик истеъмол қилган ҳолда транспорт воситасини бошқаришнинг оқибатлари ҳамда қонунчиликда белгиланган жавобгарлик чоралари, шунингдек “Йўл-транспорт ҳодисаларининг олдини олиш, йўл ҳаракати қоидаларига риоя этиш ҳамда фуқароларнинг ҳуқуқий маданиятини оширишга қаратилган тарғибот тадбири бўлиб ўтди.

Тарғибот тадбири қатнашчиларига бугунги кунда йўл ҳаракати хавфсизлигини таъминлаш энг долзарб масалалардан бири ҳисобланиши, айрим ҳайдовчилар томонидан спиртли ичимлик истеъмол қилган ҳолда транспорт воситасини бошқариш ҳолатлари учраб тургани, бу эса кўплаб йўл-транспорт ҳодисаларига сабаб бўлаётгани, бу турдаги маъмурий ҳуқуқбузарлик ва жиноий жавобгарлик учун жазо чоралари кучайтирилгани, хусусан, 2025 йил 20 февраль куни Ўзбекистон Республикасининг “Йўл ҳаракати хавфсизлиги тизими такомиллаштирилиши муносабати билан Ўзбекистон Республикасининг Жиноят, Жиноят-процессуал кодексларига ҳамда Ўзбекистон Республикасининг Маъмурий жавобгарлик тўғрисидаги кодексига қўшимча ва ўзгартиришлар киритиш ҳақида”ги 1033-сонли Қонуни юзасидан атрофлича тушунтиришлар берилди.

Шунингдек, бу турдаги судда кўрилган ҳуқуқбузариклар ва жиноятлар мисоллар билан келтириб ўтилди.