Sudbozlikdan muloqotgacha Energetikadagi muammolar va shaffoflik tarozisi

Бундай суд жараёнлари бошқа фаоллар ва журналистлар учун "тўхтатувчи сигнал" бўлиб хизмат қилиши мумкин. Агар профессионал иқтисодчининг таҳлиллари учун судга тортилиши одатий ҳолга айланса, тизимдаги ҳақиқий муаммолар ҳақида ким гапиради?

Танқид бу муаммони ечиш учун берилган имконият, уни бўғиш эса муаммони ичга ютиш ва кейинчалик каттароқ инқирозларга сабаб бўлиш демакдир.

Очиқ мулоқотЭнг тўғри йўл суд эмас, балки очиқ ва профессионал мунозара майдонини яратишдир. Агар экспертнинг маълумотлари нотўғри бўлса, вазирлик рақамлар ва фактлар билан асосланган очиқ ҳисобот бериши кифоя эди. Бу нафақат экспертнинг саволларига жавоб бўларди, балки вазирликнинг шаффофлигини ошириб, халқнинг ишончини мустаҳкамлаган бўларди.

Бугун жамиятга судлашадиган вазирлар эмас, балки муаммоларни тан оладиган ва уларни жамоатчилик билан бирга ечадиган раҳбарлар керак. Вазирлик ва жамият фаоллари ўртасидаги зиддият "ғолиб ва мағлуб" тамойили асосида эмас, балки "умумий манфаат барқарор энергетика" йўлида ҳал этилиши лозим. Зеро, суд залларидаги ғалаба, хонадонлардаги чироқни ёқиб бермайди.