SUD QARORI QOG'OZDA, PREZIDENT FARMONI SEYFDAMI?

Ba'zan odamning ongida shunday sahnalar paydo bo'ladiki, ular tush bilan haqiqat orasida qulflanib qolgan bir joyda yashaydi. Mening ko'z oldimda o'lik. U kimning qo'lidan nobud bo'lgani noma'lum. Biroq eng yomoni, uning go'shti pishirilib, dasturxonga qo'yilgan. Hamma yopirilib eydi. Keyin tushunasan bu odam emas, bu qonun, adolat, inson qadri edi. Bu o'lik ko'tarilib, ko'pqavatli uyning orqa tomoniga, hamma ko'radigan joyga osib qo'yilgan. Hech kim uni erlamaydi, hech kim uni yo'qlamaydi. Yoniga kelganlardan esa aybni bo'yniga olish talab qilinadi, ammo “go'shtini eyish”ni inkor qilishadi chunki buning uchun ham jazo bor. Bu manzara mening tushim emas. Bu Migratsiya agentligi va uning atrofida kechayotgan voqealarning ramziy surati.