Toshkent markazida inson qadri, mehr-oqibat va inklyuziv jamiyat irodasini ifoda etuvchi Inson uchun an'anaviy festivali bo'lib o'tmoqda. Tadbirning eng hayajonli va muhim voqeasi O'zbekiston Birinchi xonimi Ziroat Mirziyoevaning ushbu loyihaga tashrifi bo'ldi.
Festival doirasida nogironligi bo'lgan shaxslar tomonidan yaratilgan mahsulotlar ko'rgazmasi tashkil etildi. Bu erda gap nafaqat hunarmandchilik, balki iroda va matonat haqida bormoqda. Birinchi xonim har bir stend oldida to'xtab, ishtirokchilar bilan suhbatlashar ekan, bu loyihalar shunchaki ko'rgazma emas, balki insonlarning jamiyatga to'laqonli integrasiya bo'lishi uchun ko'prik ekanini alohida ta'kidladi.
Yangi mexanizmlar kuchli ijtimoiy himoya
Tashrif davomida Ziroat Mirziyoeva yoshlar va oilalarni qo'llab-quvvatlashning eng zamonaviy, manzilli tizimlari bilan tanishdi.
Bugungi kunda davlat faqat moddiy yordam bilan cheklanib qolmay, balki Inklyuziv bandlikni ta'minlash Ijtimoiy tadbirkorlikni rivojlantirish Bank va biznes sektorini ehtiyojmand qatlamlarga yaqinlashtirish yo'lidan bormoqda.
Inson uchun festivali bu shunchaki bayram emas, bu katta muloqot platformasi. Bu erda davlat idoralari, xalqaro tashkilotlar va biznes vakillari bir maqsad yo'lida birlashdi
Hech kim mehr va e'tibordan chetda qolmasligi kerak Bugungi tadbir shuni ko'rsatdiki, inson qadri O'zbekistondagi islohotlarning bosh mezoni bo'lib qolmoqda.
Birinchi xonimning ishtiroki esa ushbu jarayonga bo'lgan yuksak e'tibor va jamiyatdagi ayollar, onalar mehrining ramziga aylandi.
